Ինչպես առողջ պահել ողնաշարը

Ծնողները հաճախ են իրենց երեխաներին զգուշացնում.«Մեջքդ ուղիղ պահիր»: Եվ պարզվում է`  իզուր: Ավստրալիացի գիտնականները, հետազոտությունների ընթացքում եկել են այն եզրահանգման, որ ողնաշարի վնասումը ոչ մի կապ չունի այն դիրքի հետ, որով հաճախ նստում են:

Թիկունքն ուղիղ պահել ամենևին էլ անհրաժեշտ չէ, իսկ գիտնականների կարծիքով,  ամենաճիշտը «ղեկավարի կեցվածքն» է` աթոռի թիկնակին կիսահենված:

Ինչպես ճիշտ նստել և պառկել, խորհուրդ են տալիս բժիշկները

Առավոտն սկսել ձգումներով

Եթե  մարդու մոտ նորմալ ողնաշար է, ծռումներ (սկոլիոզ, կիֆոզ և այլն), օստեոխոնդրոզ չկան, ապա նա կարող է նստել ինչ դիրքով որ ցանկանա: Սակայն, եթե կինն անընդհատ քայլում է բարձր կրունկներով կոշիկներով, ապա նրա մոտ ավելանում է ողնաշարի պարանոցային և գոտկային հատվածների ծռումները և ուղիղ դիրքով նստելն արդեն անհարմար է դառնում: Ամենահարմար դիրքն այդ դեպքում «ղեկավարի կեցվածքն» է: Դա նաև հանդիպում է տղամարդկանց մոտ, ովքեր«գարեջրային որովայն» ունեն, ինչի պատճառով երբեմն զարգանում է հիպերլորդոզ` ողնաշարի գոտկատեղային առաջնային հատվածի ուժեղ ծռումներ: Դրա համար նրանք նախընտրում են կիսապառկած դիրքը:

Երեխաներին արժե՞ ստիպել ամբողջ ժամանակ թիկունքն ուղիղ պահել:

Նրանց հարկ է հանգիստ թողնել: Եթե երեխայի մոտ հիպերէլաստոզ է (հոդերի բարձրացած ճկունություն), այսինքն, սկոլիոզի զարգացման համար նախադրյալներ կան, ինչ դիրքով էլ նրան նստեցնեք, բոլոր դեպքերում էլ թիկունքի հետ կապված խնդիրներ կլինեն: Եթե երեխայի ողնաշարն առողջ է, ինչ դիրքով էլ ցանկանա նստել, նա կարող է անվերջ պտտվել: Երեխաներին չպետք է սահմանափակել, չի կարելի նրանց ստիպել առավոտյան մարզանք կատարել, եթե չեն ցանկանում: Հետևեք կենդանիներին, որոնք քնից արթնանալուն պես անմիջպես չեն ցատկոտում, այլ օրն սկսում են ձգվելով: Իսկ եթե օրգանիզմն ամեն օր սթրեսների ենթարկել անվերջ մարզանքներով և կոնտրաստ ցնցուղներով, վերջիվերջո սիմպաթիկ-ադրենալային համակարգը շարքից դուրս կգա:

«Ճոճանակը» որպես օրինակ

Հավանաբար, ամենալավ կեցվածքն ունեն  մարզիկներն ու մոդելները: Դա ճիշտ չէ: Նրանց կեցվածքն անբնական է և ոչ ֆիզիոլոգիական. որովայնը ներքաշված է, թիակներն էլ առաջ են մղված: Բոլորից ճիշտ քայլում են «ճոճվողները». թիակներն ուղղված են, ձեռքերը թույլ ընկած, մի փոքր թեքված դեպի ուսերը: Երբ թիակներ դիրքը սխալ է, ողնաշարի ֆիզիոլոգիական թեքումն ավելանում է, ինչն էլ հանգեցնում է միջողնային նյարդերի սեղման (միջողնային նևրալգիա):

Ոտքը ոտքին դրած նստելն, արդյո՞ք, վտանգավոր չէ

Նման դիրքով նստել խորհուրդ չի տրվում 40 տարեկանից հետո` այն կհանգեցնի սկոլիոզի զարգացման: Այդ սովորությունից հարկ է հրաժարվել կամ գոնե ժամանակ առ ժամանակ ոտքերի դիրքը փոխել:

Երբեմն կարծում են, որ չի կարելի քնել ձախ կողքի վրա, որպեսզի սիրտը չճնշվի: Դա թյուր կարծիք է, որովհետև սիրտը գտնվում է ոչ թե ձախ կողմում, այլ կրծքավանդակին մոտ կենտրոնում ու այն ճնշել հնարավոր չէ, որովհետև պաշտպանված է կրծքային բջիջներով: Գլխուղեղը չի քնում նաև գիշերը: Եթե օրգանիզմն ինչ-որ անհարմարություններ է զգում, ապա գլխուղեղը հրաման է ուղարկում և մարդը քնի մեջ մի կողմից մյուսն է թեքվում: Եթե միայն հարբած չէ: Այդ դեպքում հնարավոր է և ձեռքը թմրեցնել, և ոտքը ճզմել:

Ինչպես առողջ պահել ողնաշաը

Ավելի շատ ոտքով քայլել, կոշիկների կրունկը չպետք է գերազանցի 3 սմ-ը: Օգտակար են մարզումները, լողը, ձգումները, նաև առողջ կենսակերպը:

Հարցեր, պատասխաններ, մեկնաբանություններ